هنا شيحة عن طليقها أحمد فلوكس: «كان راجل بس معرفناش نركب مع بعض» (فيديو)
كشفت الفنانة هنا شيحة عن سبب انفصالها من الممثل أحمد فلوكس بعد زواج دام 9 شهور، واصفة إياه «بالراجل الجدع»
وأضافت خلال لقائها في برنامج «مساء دي إم سي» مع الإعلامي رامي رضوان «إحنا أصحاب وهو راجل جدع وأنا بحبه جدا وبحترمه جدا واحنا صحاب لحد دالوقتي وواقف معايا في مليون الف مشكلة عندي هو اللي بيحلهالي».
وتابعت: «احنا كزوج وزوجة معرفناش نتوفق مع بعض وفضلنا نبقى صحاب ولما انفصلنا كنا في رمضان وجاب الشركة نقلت العفش وكان بيجي يفطر عندي في رمضان».
وأضافت الفنانة هنا شيحة «احنا متفقناش في الحياة اليومية فقررنا ان احنا بما أننا بنحب بعض فبلاش نضغط على بعض او نخسر بعض وده اللي عملناه».
وأشارت: «هي مواقف فيه ناس بتكمل وهما مبيحبوش بعض وفجأة تلاقي ولاد ومشاكل حصلت، خلينا نبقى متحضرين نسال على بعض بعد الانفصال ونود بعض».
يشار إلى الفنانة هنا شيحة شاركت في آخر عمل فني لها في مسلسل «نصيبي وقسمتك 3» بحكاية «اتفضلوا في الصالون»، مع أحمد رفعت، نانسي صالح، هاني عادل، من تأليف عمرو محمود ياسين، وإخراج مصطفى فكري.
